How Come Moke's Like Heineken?

I neva undastan' why Moke's like Heineken?

Like its someting special?

So mento

, cuz Moke's always complaining about da frickin' haoles

But Heineken stay from Holland

Da most Haole-ist place on earth.

Da stupid bottle is green,

Who the hell cares!!

You would tink Moke's would like Brown bottles, cuz dey stay brown

But NO...Dey like da stupid green bottle.

Besides, got choke beers from places wit brown people

How come dey no support dose guys?

Get Steinlager, Red Stripe, Hinano...Even get Primo!!!

How come get brown people, who no like white people

but da same guys support white people beer?

no make sense...

LOL...White-People-Beer.  

Introduction to Pidgin

Small kid time

My faddah neva speak pidgin to me

Always had fo' speak propa

So I could get good grades

An' go one good school

Fo' get one good job

An' no be BROKE ASS.

Small kid time

I love fo' play soccer

All I wanted fo' do was play soccer

But my madda,

She stay one procrastinata, eh?

She wen wait SO long fo' sign me up AYSO

Dat da team was all full already

I was so PISS OFF 

She wen sign me up for play wit one team in Kalihi

So me, I no care, I just like play

I show up first day practice

Ready to go, no scared 'em, go get 'em

I no say nuttin to nobody, just play

Whistle blows, practice pau

Couple guys come ova and start talkin' to me,

"Wot bah, tink you can lick me?" he says

Confused I look at him,

"Yeah, I can lick you...but that's gross," I say

Him and his friend start buss up laughing

"Stupid, Haole!" they laugh and walk away.

Me, still dazed and confused.

Introduction to Pidgin

Ho Bah, Mean Dis Blog!

Aloha, an' welcome to my bran new blog! Dis blog is goin' be dedimacated to da beautiful language us guys call Pidgin. Goin' have stories and poems and odda kine stuffs all written in Pidgin for your viewing pleasure. Tanks fo' stopping by, an' come back bum-bye.

Obey the Dirty Pidgin!!!!